நாடற்றோர்

ஆரம்ப தொழில் - கொழும்பில் இந்தியாக்காரன் 

சொந்தம் - துறையூரில் சென்னைக்காரன்

சுற்றம் - சென்னையில் தஞ்சைக்காரன்

மேற்படிப்பு -  - தஞ்சையில் இலங்கைக்காரன்

ஆரம்பக் கல்வி - கண்டியில் மலைநாட்டான்

மணவாழ்க்கை - மலைநாட்டில் கொழும்புக்காரன்

புலம்பெயர்வு - இந்தியாவில் கத்தார்க்காரன்

பணிசார் வதிவிடம் - கத்தாரில் ஸ்ரீலங்காக்காரன்

போகுமிடமெல்லாம்  அந்நியமாய்

ஒதுங்க இடமின்றி, கூனிக் குறுகி

சகதியாய் அகதியாய் நிர்க்கதியாய்

நின்று நெகிழ்ந்து அரை நூற்றாண்டு கடந்து

எதிலுமே பட்டும் படாத ஒரு ஜென் நிலை

இதற்குத்தான் தாமரை இலையில்

தண்ணீர் என்ற சொலவடை!

-          நாடற்றோர் – தோஹா – 2 நவம்பர் 2017