குடிப்பது நல்லதில்லைதான்.
எனக்கும் தெரியும்.
ஆனா, இந்தப் பழக்கம் ரொம்ப நாளாவே
உடம்புல ஊறிப் போச்சு.
அலுப்பு நீங்கக் குடிச்சது போய்
இப்ப குடிக்காட்டி அலுப்பா இருக்கு
கை நடுக்கம் நிக்கிறதுக்கு கட்டிங்
அடிச்சாத்தான் சரியாயிருக்கு
கெழவியும் பொலம்பி பொலம்பி முடியாமப்
போய் சேர்ந்திட்டா.
இருந்தவரைக்கும் கேட்காமலே எல்லாம்
கெடச்சுது
இப்ப, கேட்டாலும் கெடைக்கல்ல.
ராத்திரி படுத்தா தூக்கம் வரல்ல.
கொஞ்சம் போட்டாத்தான் வருது.
அப்புறமா கனவு வருது.
அதுல கெழவி வந்து எங்கூட வந்திருய்யான்னு
கூப்பிடுறா.
போகோணும்.
ஆனா, அதுக்கு முன்னாடி ரெண்டு
ரவுண்டு போட்டுக்கணும்.
-
டாஸ்மாக் கதைகள் – தோஹா
– 1 ஏப்ரல் 2017
No comments:
Post a Comment